Ռուսաստանի և Հայաստանի միջև ապրանքաշրջանառությունը 2024թ կարող է ռեկորդային լինել. Պուտին
08.10.2024,
15:03
2024 թվականին ապրանքաշրջանառությունը կարող է հասնել 14-16 միլիարդ դոլարի, ինչը ռեկորդային ցուցանիշ է. Պուտին
ԵՐԵՎԱՆ, 8 հոկտեմբերի./ԱՌԿԱ/. Հայաստանի և Ռուսաստանի միջև ապրանքաշրջանառությունն այս տարի կարող է ռեկորդային լինել։ Այս մասին հայտնել է ՌԴ նախագահ Վլադիմիր Պուտինը՝ ՀՀ վարչապետ Նիկոլ Փաշինյանի հետ հանդիպման ժամանակ։
«Նախորդ տարի ապրանքաշրջանառությունը հասել է 7,4 մլրդ դոլարի, իսկ այս տարվա առաջին կիսամյակում աճել է 2,5 անգամ՝ գերազանցելով 8,3 մլրդ դոլարը։ 2024 թվականին ապրանքաշրջանառությունը կարող է հասնել 14-16 միլիարդ դոլարի, ինչը ռեկորդային ցուցանիշ է»,- ասել է Պուտինը։
Նա նաև նշել է, որ երկու երկրների միջև առևտրա-տնտեսական հարաբերությունները դինամիկ զարգանում են։
